Меркі аудандық «Меркі ата» мешітінің бас имамы Азамат Берікұлы Интернационал ауылы «Достық» мешітінде жұма намазын өткізіп қайтты.
Жұма намазы алдында бас имам «Қоғамға жақсылық пен қайырымдылық жасау – әрбәр мұсылманның міндеті» тақырыбы аясында уағыз жүргізді.
Аудан имамы: «Асыл дініміз әрбір мұсылманға өзіне жүктелген құлшылық амалдарды орындаумен қатар, қоғамға пайда келтіретін, ізгі істер жасауды бұйырады.
Адамдармен қарым-қатынаста мейірімді болу – қоғамдағы адамдардың бір-біріне жақсылық жасауына, қарайырымдылық көрсетуіне себепші болатын негізгі сипат. Асыл дініміз адамдарға мейірімділік таныту арқылы адам баласы Жаратушысының мейіріміне бөленетінін үйретеді. Ардақты Пайғамбарымыз (оған Алланың салауаты мен сәлемі болсын):
«Адамдарға мейірімді бола білмеген кісіге, Алла да мейірімділік танытпайды», – деген (имам Бұхари).
Мейірімділік адамдар арасындағы сыйластық, жанашырлық, қамқорлық сияқты қасиеттерге негізделеді», - деп, өңірде орын алған жағдайға тоқталып, жолда қалғандарға қарайласуды насихаттады.
Артынша азан шақырылып, жамағатпен жұма намазы оқылды. Намаздан соң Елімізге, Жерімізге дұға жасалды.
Меркі аудандық «Меркі ата» мешітінің баспасөз қызметі