Қайырымдылық – ізгіліктің көрінісі. Ол көмекті қажет етушілерге білдірілетін сүйіспеншілік пен қол ұшын беру болып табылады. Қайырымдылық жасау үшін асып-тасып бай болу керек емес. Ең бастысы мейірімді жүрегің мен таза ниетің болса жеткілікті. Кез келген қиын жағдайда адам баласы әр түрлі бағытта көмек қолын соза алады. Біреулер жаны жабырқау жүргендерді жұбата отырып күлкі сыйласа, екіншілері қиын сәтте қол ұшын беріп, көмек жасайды.

Бүгінде осы мақсатта "Жәми" мешітінің ұстазы Гульжан Сағындыққызының ұйымдастыруымен қайырымдылық жәрмеңкесі өтті. Қыз-келіншектер дәмді түрлі тәттілер мен тіске басарлар пісіріп, көпшілкке сатты. Ал жиналған қаражат мұқтаж отбасылардың игілігіне жұмсалмақ. 

Шу аудандық "Жәми" мешітінің баспасөз қызметі