Жамбыл облысы Байзақ ауданы «Байзақ баба» мешітінің бас имамы Қанат Әділханұлы Байзақ аудандық өрт сөндіру қызметкелерімен кездесті.

         Кездесуде Қанат Әділханұлы: «Асыл дініміз Ислам – барша адамзат баласын бейбiтшiлiкке, ешкiмге соқтықпай, тыныш өмiр сүруге шақыратын иләһи дiн. Міне, осындай хақ дiнiмiз жер бетiнде нағыз адамгершiлiктiң, сыйластықтың дәнін егіп, алауыздыққа, қастық пен дұшпандыққа тыйым салғаны мәлiм.

Ислам бұл – қалыптасқан тұрақтылықты бұзу үшiн емес, теріс пиғылды тыю үшiн жiберiлген мейірім діні. Ата-бабаларымыз сан ғасыр бойы дәстүрлі дінді өмiрлеріне негізгі діңгек етіп ұстанып, ауызбiршiлiкпен бейбiт ғұмыр сүрiп келдi.

Дiни дүрдараздық қазақ даласында күнi кешеге дейiн болмаған. Өкiнiшке орай, соңғы жылдарда асыл дiнiмiздi жеккөрiнiштi етiп көрсететiндер жер-жерден бой көтеріп жүр. Кешегіге дейiн бар қазақ бiр дiндi, бiр мазһабты ұстанып келдi. Сенiмi де, мақсат-мүддесi де бiр болды. Ендi бүгiн әлемде түрлi мүдделер – кертартпа-жатпиғылды ағымдар көбейіп, дiнiмiзге әртүрлі жаман атаулар таңылуда», - деді.