Жамбыл облысы, Талас ауданы, "Қаратау Қажы би" мешітінің бас имамы Жалғас Дүйсенбайұлы мұсылмандардың ұлық мерекесінде жамағатқа айт намазын өткізіп, намаздан кейін құрбандыққа шалынған ірі қараның етін мұқтаж отбасыларға таратып берді.

Шат көңілмен басталған мерекелі күнді "Қаратау Қажы би" мешітінің жанашыр жамағаты аудан имамына қолқабыс етіп, берекелі өткізді. Алла Тағала барша мұсылманның дұғасын қабыл етіп, келер жылға аман-есен жеткізсін деп дұға жасалынды. Қабыл болғай! Әмин.