Жамбыл облысы Байзақ ауданы Байзақ ауылының тумасы, әлем чемпионы Асланбек  Шымбергеновке ауылдастары  құрмет көрсетті. Айтулы шараға орай Байзақ ауылдық «Тілеш қажы» мешітінің асханасында дәм беріліп, ауыл имамы Рахымбек Кенжебайұлы мен ақсақалдар бата беріп, ауыл халқы чемпионға ат міңгізді.

Ауылдастарының құрметін көрген Асланбек Шымбергенов: «Ауылымның еңбектеген баласынан бастап, еңкейген қариясына дейін маған жанкүйер болды. Барлығына шын жүректен алғысымды білдіремін. Алдағы болатын ақтық додаларда жерлестерімнің үмітін ақтауға, еліміздің көк туын дүние жүзінде желбіретуге бар күш-жігерімді саламын», - деді.