Тұрар Рысқұлов ауданы Луговой ауылдық «Әл-Хақ» мешітінің әйел-қыздар шәкірттері мешіттегі Ұстаздарын «алғыс айту» күні қарсаңында құттықтап, алғыстарын айтты.  Іс-шараға «Әл-хақ» мешітінің имамы Үмбет Сабырханов, азаншысы Серікбаев Ерман, Айгерім Шыналі ұстаз және мешіт шәкірттері қатысты. 

     Алғыс айтуға қатысты Ардақты Пайғамбарымыз (оған Алланың салауаты мен сәлемі болсын) хадистерінде: «Адамдарға алғыс айта алмаған адам, Аллаға шүкір ете алмайды», «Адамдарға алғыс (шүкір) айтпағанның, Аллаға алғысы (шүкірі) жоқ» десе, енді бір хадисінде: «Сендерге жақсылық жасағанға жақсылығына сай оған да жақсылық жасаңдар. Оның жасаған жақсылығына тең келетін нәрсе таба алмасаңдар, теңестіргенге дейін оған дұға етіңдер» – деп сахабалары мен үмметін сыйға сый жасауға шақырады.

 Қуаныш Тузелбеков

Рысқұлов аудандық мешіттің баспасөз қызметі