Талас ауданы, Қаратау қаласы, " Қаратау Қажы би" мешітінің бас имамы, Жұбатқанов Жалғас Дүйсенбайұлы "Ұлбике ақын" атындағы Талас аудандық мәдениет үйінің ұжым қызметкерлерімен "Ислам және ізгі қоғам" атты тақырып аясында дөңгелек үстел өткізді.

Баршаға белгілі болғандай, Ислам мәдениетпен өркениеттің, өнермен білімнің бастауы, бәлки дамуына ықпал ететін негізгі факторы. Ауданның бас имамы Жұбатқанов.Ж.Д жиналған қатысушыларға исламның құндылықтарын, асыл қасиеттерін айта келе қоғамды сіз болып біз болып түзетудің жолын қарастыру, әркім шама-шарқы келгенше амал ету керектігін анық баяндады. Сонымен қатар, ел болашағы жастардың тәрбиесіне аса ұқыптылықпен қарағанда руханияты сау, ізгі қоғамды қалыптастыруға болатындығын жеткізді.

Жалпы қоғамда исламды дұрыс таныстыру әрбір мұсылманға жүктелген үлкен нығметпен қатар зор жауапкершілік екенін ұғындырды. Келелі отырыста сұрақ-жауап алма-кезек қойылып, әңгіме байыппен өрбіді.

Талас аудандық мешітінің баспасөз қызметі