РАНТ мүшесі, Жамбыл облыстық "Һибатулла Тарази" мешітінің наиб имамы Нұралы Бақытұлы Шу өңіріне арнайы сапармен ат артып барды. 

Республикаға танымал білікті имам Шу ауданы Мұратбаев атындағы орта мектебінде мектеп ұстаздарымен, оқушылармен жүздесіп, "Діни ағымдардан сақтану" тақырыбында  түсіндіру жұмыстарын жүргізді. Жиынға Шу ауданының бас имамы Бахтияр Амиреев қатысты. 

Шу аудандық "Жәми" мешіті мен Аудандық Ішкі саясат бөлімінің ұйымдастыруымен өткен шарада көпшілік өздерін толғандырған сауалдарын қойып, дәлелді-дәйекті жауаптар алды.

Жалпы жат ағым деген не, оның өкілдері кімдер, ислам дінінен өзгешегілігі қандай деген мәселелер бойынша мысалдар келтіріліп өтті. 

Шу аудандық "Жәми" мешітінің баспасөз қызметі