Тұрар Рысқұлов ауданының бас имамы Сұлтаншәріп қажы Джадраев  ауданға қарасты барлық ауыл имамдарына «Ізгі қоғам өзіңді өзгертуден басталады» тақырыбында семинар өтті.

Сұлтаншәріп қажы Жәнібекұлы сөз басында: "Құран Кәрімнің: «Алла пайғамбарларын жіберу арқылы жер бетін түзеп жөнге келтіргеннен кейін онда бүлік шығарып, бұзғыншылық жасамаңдар...», - деген аяты әр пайғамбардың адамзат қоғамына ізгілік қалыптастыратындығы жайлы баян етеді. Бұл аяттағы «түзеп жөнге келтіру» ізгілік жолына салған соң дегенді білдіреді. Құран Кәрімде: «(Уа, мүміндер) Араларыңда (ел-жұртты) ізгілікке шақырып, жақсылықты бұйыратын һәм жамандықтан тыятын бір қауым болсын. Міне, солар (екі дүниеде де) азаптан құтылып, мақсат-мұратына жеткендер», - деген аят бар. Аталмыш аятта ізгі қоғамның қалыптасуына қажетті басты себеп айтылуда. Бұл қоғамға бағыт-бағдар беретін, сөзімен және ісімен ізгілікте үлгі болатын жақсылар қалыптасуы керектігін ескертуде," - деп аяттарға қысқаша түсіндірме жасады.

 Cонымен қатар, ізгі адам – иманнан бастап барлық асыл қасиеттерді шама-шарқынша тұла бойына қалыптастыруға тырысқан, әрі сол құндылықтарға сай өмір сүруге ұмтылған жан, - деп анықтама берді.

Қуаныш Тузелбеков

Рысқұлов аудандық мешіттің баспасөз қызметі