Жамбыл ауданының бас имамы Ғайырфулла Қуанышбекұлы Жамбыл облысы орталық «Һибатулла Тарази» мешіт-медресесінде діни білім алып жатқан шәкірттермен кездесті.

Келелі кездесуде бас имам шәкірттерге дінге қызмет етудің маңыздылығы мен білім жолында талмай еңбектену керектігін баса айтты. Сонымен бірге, аудан имамы жас түлек болайын деп отырған шәкірттерге дінге қызмет жасаудың  мәнін айта келе, аудандық мешітке жұмыс жасау туралы ұсынысын білдірді.

Ауданының бас имамы имамдық қызмет турасында сұрақ қойған шәкірттерге жауап берді. Кездесу соңында бас имам екі–үш шәкірттің оқу ақысын төлеп беруге уәде етті.

Жамбыл аудандық мешітінің баспасөз қызметі