Қытай соңғы 60 жылда алғаш рет халық санының төмендегенін хабарлады. Ресми статистикаға сәйкес, 2022 жылдың аяғында Қытайда 1,411 миллиард азамат болған. Осылайша, ел халқының саны бір жылда 850 мың адамға азайды.

Елдің Мемлекеттік статистикалық басқармасы өткен жылы 9,56 миллион қытайлық дүниеге келгенін және 10,41 миллион азамат осы дүниені тастап кеткенін атап өтті. Осы кезеңде туу көрсеткіші 6,77, ал өлім көрсеткіші 7,37 болды. Сондай-ақ, елде әйелдерге қарағанда ерлердің сандық басымдылық тенденциясы сақталып отырғаны көрсетілген – жүз ханымға 105 күшті жыныс өкілі келеді.

Еңбекке қабілетті азаматтарға келетін болсақ, олар жалпы халықтың 62 пайызын құрайды. Қытай билігі көп жылдар бойы туу деңгейінің төмендігімен және халықтың тез қартаюымен сипатталатын елдегі демографиялық жағдайды түзетуге тырысты. Осыған байланысты отбасыларда екінші және үшінші баланың дүниеге келуіне тыйым салуды алып тастау түріндегі шаралар әлі де айтарлықтай нәтиже берген жоқ.

asyldin.kz