Бір жас жігіт Қағбада «Ей, дұрыстардың көмекшісі болған Аллам! Ей, харамдардан сақтанғандардың көмекшісі болған Аллам! Саған шүкір етемін» – деп қайталай береді. Біреу келіп:
– Неге қайта-қайта бір дұғаны қайталай бересің, одан басқа ешнәрсе білмеймісің? – деп сұрайды. Оған былай деп түсіндіреді:

– Осыдан 7-8 жыл бұрын Қағбада жүргенде ішінде мың алтыны бар қалташық тауып алдым. Ішімнен бір дауыс бұл алтындармен мына нәрселерді жасайсың!» деп құтыртып жатқан еді. Өзіме-өзім жоқ, бұл менікі емес, біреудің затын қолдануым харам болады дедім. Осы кезде біреу «Мынадай қалташық тауып алған адам бар ма?» деп айғайлап жүр еді. Оны шақырдым. Қалташықтың қандай екенін суреттеді және ішінде 1000 алтын бар деп айтты. Қалташығын бердім. Ол да маған қалташықтан шығарып 30 алтын берді.

Базарға бардым. Таза реңді бір жас тұтқын баланы мақтап сатып жатқан еді. Ол жас баланың тазалығы менің назарымды тартты. «Бұл тұтқын үшін қанша сұрайсың?» дедім. «30 алтын» – деп жауап берді. Алтындарды беріп, ол жас баланы сатып алдым. Арада бір-екі жыл өтті. Жас бала өте еңбекқор және әдепті еді.