Жамбыл облыстық дін істері басқармасының ақпараттық түсіндіру тобының мүшесі және Қордай ауданының бас имамы Сатылғанов Асқар Тұрар Рысқұлов ауданындағы бірнеше мекемелер мен ауылдық мешіттерді аралап уағыз-насихат жүргізді.

Асқар имам аудандық мәдениет үйі қызметкерлерімен, орталық аурухана дәрігерлерімен, спорт мектептерінің жаттықтырушылары мен шәкірттерімен және ауылдық мешіттердің жамағаттарымен жүздесіп, ақпараттық түсіндіру жұмыстарын жасады. Түсіндіру жұмыстары деструктивті және радикалды діни ағымдардың идеологиясының алдын алу мақсатында жасалды. Қонақ боп арнайы келген Асқар имамды ауданның имамдары жылы шыраймен қарсы алып, уағызын тыңдап, алғыстарын айтып шығарып салды.    

  Қуаныш Тузелбеков

Рысқұлов аудандық мешіттің баспасөз қызметі