Меркі аудандық «Меркі ата» мешітінің бас имамы Азамат Берікұлының арнайы шақыртуымен Тараз қаласының бас имамы "Нұр-Мүбәрак" Египет Ислам мәдениеті университетінің магистрі, білікті исламтанушы, теолог Дәуренбеков Орынбасар ұстаз арнайы келіп, «Меркі ата» мешітінің жамағатына «Зул-хижжа айының алғашқы 10 күні» және де «Үлкен қажылық» тақырыбында кеңінен уағыз-насихат жұмыстарын жүргізді.
Аталған тақырыптағы уағызды тыңдау үшін алыс-жақын жердегі жамағаттар да қатысты. Уағыз айтқан ұстазға жиналған жамағат өз ризашылығын білдірді.
Уағыз соңында жамағат көкейлерінде жүрген сұрақтарын қойып тұшымды жауаптарын алды.
Меркі аудандық «Меркі ата» мешітінің баспасөз қызметі