Қасиетті зұл-хижжа айының кірісімен Меркі ауданына қарасты мешіттер өз істерін қайырымдылық жасаумен бастады.

Орталық «Меркі ата» мешіткіне көмек сұрап, жағдайын айтып келген көкемізге, Азамат Берікұлы қаржылай көмек көрсетті. Сонымен қатар, тіске басар тағам болсын деген ниетпен, сойылған қойдың бір санын қоса берді.

Сұрат ауылдық мешіттің имамы науқастанып жатқан ауыл тұрғынына, дәрі-дәрмегі болсын, шипа болсын деген ниетпен қаржылай көмек көрсетті.

Көмек алған бауырларымыз мешіт қызметкерлеріне өз баталарын беріп, алғыстарын білдірді.

Меркі аудандық «Меркі ата» мешітінің баспасөз қызметі