Қордай аудандық мешітінде ҚМДБ Жамбыл облысы Қордай ауданы бойынша Әйел-қыздар секторының ұйымдастыруымен қыздар арасында дұға жарысы өтті. Кешті Құран аяттарымен Кәусар Ержанқызы ашты.

"Дұға" тақырыбы Құран мен хадистен ашықталып, әсерлі насихат айтылды.

"Мұсылманның қаруы" атты дұғалар сайысына "Фирдаус" және "Хафиздар" деген екі топ бақ сынады. Қатысушылар сұрақ-жауап кезеңі, дұғаларды жатқа айту кезеңі бойынша сынға түсті.

Бірінен-бірін асып түскен талапты қыздар арасында "Фирдауыс" тобы жеңіске жетті. Мешіт ұстазы Эльмира Есімқараева сөз сөйлеп, шәкірттерге игі лебізін білдірді. Жиын  ойындармен жалғасын тапты.

Қордай аудандық мешітінің баспасөз қызметі