Облыстық "Һибатулла Тарази" мешітіне Жамбыл облысы әкімінің орынбасары Еркін Құлымбайұлы арнайы келді. 

ҚМДБ-ның Жамбыл облысы бойынша бас имамы Бейбіт Мырзагелдиев бастаған мешіт имамдары, қызметкерлері қарсы алып, Алла үйінің ғимаратымен таныстырды.

Еркін Құлымбайұлы орталық мешіттің ішін аралап, құран оқытты. Сонымен қатар "Һибатулла Тарази" медресе-колледжінің оқу ғимараты мен жатақханасын көріп шықты. Медресе ішінен ашылған "Дін мен дәстүр" кабинетін көріп, оң баға берді. 

Бүгінгі таңда дін, дәстүр, руханият мәселесінің басты орында екенін көпшілік тілге тиек етті.

Ақерке БЕКҚҰЛОВА

"Һибатулла Тарази" мешітінің баспасөз қызметі