Облыстық "Һибатулла Тарази" мешіт-медресесінде "Имани жаз - 2022 жыл" жазғы сауат ашу курсының ұстаздары облыс бас имамының алғыс хатын алды.

ҚМДБ-ның Жамбыл облысы бойынша бас имамы Бейбіт Мырзагелдиев Қазақстанның басқа қалаларынан келген және осы "Һибатулла Тарази" медресе-колледжінде дін білімін алып жүрген, іс-тәжірібиеден өту мақсатында ұстаздық етіп жатқан жастарды марапаттады. 

Мектеп жасындағы жеткіншектерге дін білімін үйретіп, Құран, дұға жаттатқызып, рухани тәрбие беріп, оны дұрыс жеткізе білгендіктері үшін алғыс айтып, алдағы асар белестері биік болсын деп игі ниетін білдірді. 

Айта кетейік, мешітте ер балалар және қыз балалар бөлімі бойынша жас ерекшелігіне қарай топтарға бөлініп  200-ден астам шәкірт білім алуда. Олардың 75-і қыз бала, 100-ден астамы ұл бала. Ал дәріс беріп жатқан іс-тәжірибеден өтуші студенттердің саны - 14.

1 маусым мен 30 маусым аралығында өткен жазғы білім курсында оқушылар Құран, дұға, мұсылман әдебі сынды пәндерден дәріс алды. Және шәкірттерге бір мезгіл тіскебасар мен күндердің сұлтаны жұма күні түрлі тәттілер я балмұздақтар берілген болатын.

Ақерке БЕКҚҰЛОВА

"Һибатулла Тарази" мешітінің баспасөз қызметі