РАНТ мүшесі,  ҚМДБ-ның Діни оңалту бөлімінің меңгерушісі Хасан Аманқұлов Тараз шаһарына жасаған іс-сапары кезінде түзету мекемесінде түсіндіру жұмыстарын жүргізді. 

Насихат тыңдауға жиналғандарға республикалық ақпараттық насихат тобының мүшесін "Һибатулла Тарази" мешітінің ұстазы, жат ағымдармен жұмыс бойынша маман Жарбол Ақжігіт таныстырды. 

Елордадан келген білікті маман жазасын өтіп жүрген азаматтарға діннің маңыздылығын, оның адамзатқа тура жолды нұсқайтынын айта келе теріс ағым деген не, оның қандай түрлері мен зиындығы бар деген сауалдарға жеке-жеке тоқталып өтті. 

Жат ағымнан сақтанудың жолы мен оларды ата дінімізді ұстанушылардан айырудың әдісін айтты. 

Ақерке БЕКҚҰЛОВА

"Һибатулла Тарази" мешітінің баспасөз қызметі