Көненің көзі болған Тараз шаһарына танымал дінтанушы, РАНТ мүшесі Хасан Аманқұлов арнайы іс-сапармен келді. 

Облыстық "Һибатулла Тарази" мешітінің жамағатымен кездесіп, теріс ағымдар, қазіргі уақытта кең тарап жатқан тәңіршілдік, олардың қате тұстары, жат ағымды ұстанатындардың ұстанымы, ата дінімізден айырмашылығы турасында көркем уағыз айтты. 

Елордадан ат артып келген маманды ҚМДБ-ның Жамбыл облысы бойынша бас имамы Бейбіт Мырзагелдиев таныстырып өтті.

Мешітке жиналған көпшілік өз көкейкесті сауалдарын қойып, дәйекті де дәлелді жауаптарын алды.

Ақерке БЕКҚҰЛОВА

"Һибатулла Тарази" мешітінің баспасөз қызметі