Рысқұлов ауданына қарасты Каменка ауылында орналасқан  мүмкіндігі шектеулі балаларды оңалту және бейімдеу орталығында балаларды қорғау күніне орай ұйымдастырылған «Балалар - бейбіт елдің тірегі» атты мерекелік іс-шара өтті. Бұл іс-шараға Рысқұлов ауданының бас имамы Джадраев Сұлтаншәріп қажы арнайы барып қатысып, жүрекжарды лебізін білдіріп, балаларға сый-сыяпат жасады. Іс-шарада балалардың көңілін көтеру үшін мерекелік әндер шырқалып, билер биленді.

  Әлемнің көп елдері 1 маусымды Халықаралық балалар күні деп атап өтетіндігіне қарамастан, кейбір елдерде басқа күндері де мерекеленеді екен. ”Халықаралық балалар күні” Малайзияда қазан айының соңғы сенбісі күні, Оңтүстік Кореяда мен Жапонияда 5 мамыр күні, Сингапурда 1 қазан күні, Түркияда 23 сәуір күні тойланады. Ал Африкада балаларын қорғау күні 16 маусымға белгіленген.

 Қуаныш Түзелбеков

Рысқұлов аудандық мешітінің баспасөз қызметі