Қазақстан мұсылмандары діни басқармасының ұйытқы болуымен Жамбыл облыстық өкілдігінің ұйымдастыруымен Тараз қаласында «Тараздан шыққан діни тұлғалар. Профессор Насрулла Таразидің туғанына 100 жыл» атты халықаралық ғылыми-танымдық конференциясы басталды. 

Тараздан шыққан дін тұлғаларын көпшілікке таныту, еңбектерін оқырманға таныстыру мақсатында басталған жиынға тарихшылар, зерттеушілер қатысып, Насрулла ат-Тарази еңбектері мен ғұмыры жайлы сыр шертпек.

Маңызды жиын Алланың кәләмі Құран Кәрім аяттарын оқумен басталды. Құранды "Әбу Бәкір Сыддық" мешітінің имамы, қари Қасымжан Бектаев оқып, Бас мүфти Наурызбай қажы Тағанұлы дұғасын жасады. 

Ауқымды шараға ҚМДБ «Діни білім және кадр дайындау» бөлімінің меңгерушісі, философия ғылымдарының кандидаты Смайыл Сейтбеков модераторлық етуде.

Ақерке БЕКҚҰЛОВА

"Һибатулла Тарази" мешітінің баспасөз қызметі