Қордай ауданы, Қордай ауылдық "Рахман" мешітінде Ораза айт мерекесіне орай Діни сауат ашу курсы шәкірттері арасында Құран Кәрімнен сайыс өтті.
Жүзден жүйрік шығып, 1, 2, 3 орын алған шәкірттерге велосипед сыйға тартылды. Ал өзге де үздік қатысушыларға ауданның бас имамы Асқар Зәкіржанұлының атынан арнайы алғыс хаттар табысталды.
Сайыс соңы мерекелік іс-шараға ұласып, мешіт ауласында айт мерекесі тойланды. Дастархан жайылып, көпшілік ас үстінде бас қосты. Түрлі ұлттық ойындар ойнатылып, жүлдегерлер жүлделерін қанжығаларына байлап қайтты.
Қордай аудандық мешітінің баспасөз қызметі