Алла елшісі (с.ғ.с.) айтты: «Расында, Алла сендерге ол екеуін одан жақсымен алмастырып берді: құрбандық күні және ораза айты күні». (Әбу Дәуід)

Бүгін де барлық мешіттер айт намазына жиналған қауыммен толықты. 

 Жуалы  аудандық «Толымбай тегі Зиябек» мешітінде жергілікті уақыт бойынша таңғы сағат 6:50 -де қасиетті Рамазан айының аяқталуына орай мерекелік айт намазы оқылды.  «Ораза айт құтты болсын!» атты баннер ілінді. Дәстүр бойынша, айт намазы қасиетті Құран Кәріммен басталып, аудан  бас имамы Асхат Аманжолұлының  «Ораза айт – ұлық мереке» атты мерекелік уағызымен жалғасын тапты. 

 Жуалы аудандық  мешітінің баспасөз қызметі