Тұрар Рысқұлов ауданы Көгершін ауылдық мешітінің шәкірттері құран оқудан жарысқа түсіп, бақтарын сынады. Бұл жарыс аудандық және облыстық жарыстарға дайындалу мақсатында және мешіт шәкірттерінің құранға деген құштарлықтарын арттыру мақсатында ұйымдастырылды. Құранға түскен шәкірттер арасында болған жарыстың жеңімпаздарына бағалы сыйлықтар табысталып, барлық қатысушы шәкірттерге сыйлықтар берілді.

Алла тағала: «Құран оқылғанда оған құлақ салыңдар әрі  тыныштық сақтаңдар. Рақымдылыққа бөленесіңдер», – десе, Пайғамбарымыз Мұхаммед (с.ғ.с.): «Сендердің ең жақсыларың – Құранды үйреніп оны үйреткендерің», – деп өсиет қалдырған. Құранды жақсылап оқыған, әріптерін дұрыс оқуға машықтанған әрі амал етуге тырысқан мұсылман Құранды жазуға тағайындалған мәртебелі періштелермен бірге болатынын Айша (р.а.) анамыздан келген риуаяттан көреміз: «Құранды шебер оқуға машықтанған жан Құранды жазуға тағайындалған мәртебелі періштелермен бірге болады. Ал Құранды оқығанда кекештеніп қиналса, екі сауап алады», – деген. 

 Қуаныш Түзелбеков 

Рысқұлов аудандық мешіт баспасөз қызметі