Тұрар Рысқұлов ауданына қарасты мешіттерде Ораза айт күні айт намазынан кейін ұлттық ойындар жаңғыртылып, жарыстар ұйымдастырылды. Олардың ішінде асық ату, арқан тартыс, қол көтеру және кір тасын көтеру және кейбір мешіттердің ұйымдастыруымен қазақша күрестен де жастар арасында жарыстар өтті.

Жүлделі орындарға қомақты сый-сыяпаттар жасалды. Жалпы айт намазына келген жамағатқа және жас бүлдіршіндерге айттық сыйлықтары таратылды. Жас балалар мұсылманның екі мерекесінің бірі ораза айтта сыйлық алып, көтеріңкі көңіл күйде болғандықтарын жасыра алмады.

Қуаныш Түзелбеков 

Рысқұлов аудандық мешіт баспасөз қызметі