Жуалы ауданы, Бауыржан Момышұлы ауылдық округіне  қарасты «Толымбай тегі Зиябек» мешітінің имамы Асхат Аманжолұлының және мешіт жанашырларының демеушілігімен  мешіт ауласында сенбілік жасалып, абаттандыру жұмыстары жүргізілді.

Алла үйінің айналасына тазалық жасалып, арам шөптер жұлынып, қоқыстардан тазартылды. Талдардың түптері қопсытылып, жаңадан 30 түп шырша көшеттері отырғызылды. Шырша алуға жұмсалған қаражат 240 000 теңгені құрайды.

   «Тазалық – иманның жартысы» демекші, мешітжамағаттары осы игі әрі сауапты іс арқылы имандылықтың белгісін көрсетіп, барша жамағат пен ауыл тұрғындарына үлгі болды.

Жуалы аудандық мешітінің баспасөз қызметі.