Жылына бір рет Рамазан айында келетін қасиетті қадір түнінің рухани салмағы орасан зор екені көпшілікке аян. Әйтседе, қалың бұқара қасиетті кешті ерекше ілтипат көрсетіп, ұлықтағанымен, Қадір түнінің тарихы мен мән-мағынасына терең үңіле бермейді. Алла Тағаланың кәләмі Құран Кәрімде қасиетті кеш хақында «Қадір» сүресінің бар екені белгілі.

Осы сүренің мән-мағынасын ашып, қадір түні туралы толыққанды мағұлмат берген "Қадір түнім - қасиетім" атты іс-шара ұйымдастырылды.

Кешті Айжан Шернияз Құран аяттарын оқумен ашты. Қордай аудандық әйел-қыздар секторының жауапты маманы Эльмира Есімқараева насихат жүргізіп, Рамазан - мейірім, кешірім, Құран айы екені турасында әсерлі уағыз айтты.

Сұрақ-жауап жасалып, нәпіл намаздар туралы ақпарат берілді. Рамазан бойы оқылып келе жатқан Құран хатымының дұғасы жасалып, көпшілік бірге Алланы еске алды.

Қордай аудандық мешітінің баспасөз қызметі