Бүгінгі ақпарат дәуірінде әлеуметтік желілерде белсенділік керек-ақ. Өйткені, түрлі дұрыс-бұрыс ақпараттар араласып жатқан ғаламторда отыратын қыз-келіншектер қате мағұлмат алып, адасып кетпесіне кім кепіл? 

Сондықтанда ҚМДБ Әйел-қыздар секторы діни білімді тек мешітте ғана емес, әлеуметтік желілер арқылы беруге күш салып отыр. Жамбыл облысының ұстаздары @ayelderge_nasihat парақшасы арқылы тікелей эфирлер, түрлі танымдық жазбалар, мешітте атқарылып жатқан іс-шаралардың көріністерін, пайдалы білім беріп, оқырманның сұрақтарына жауап беруде. 

Бүгінде осы Жамбыл облысы әйел-қыздар секторының парақшасы жаңартылып, интерфейсі мен визуалы ретке келтірілді. Қазіргі уақытта ұстаздар Рамазан дәрістерін жүргізуде.

Ақерке БЕКҚҰЛОВА

"Һибатулла Тарази" мешітінің баспасөз қызметі