Жақында Қазақстан мұсылмандары діни басқармасы тарапынан «Тазалық-иманның жартысы» атты республикалық сенбілік акциясы өткен болатын. Аталмыш акцияға Шу ауданының мешіттері де шет қалмай қатысты.

Ауданның бас мешіті саналатын «Жәми» мешітінде ауданның бас имамы Бахтияр Амантайұлының қатысуымен тазалық жұмыстары жүргізіліп, аула қоқыстан тазартылды. Тал егіліп, шөптер шабылды.

Сондай-ақ осы күні өңірдегі мешіттер де акцияға үн қосып сенбілік жұмыстарын жүргізді. Есік алдына гүл егіп, дарақтар отырғызды. Жамағат жұмылып қоқысты шығарып, Алла үйін әп-сәтте ажарландырып жіберді.

Мұндай мағыналы шаралар ауызбіршілікті арттырып, табиғат деп аталатын Алланың ұлы нығметін бағалауға шақырады.

Шу аудандық «Жәми» мешітінің баспасөз қызметі