Жуырдағы жұмада  Шу ауданы "Кәрібай молда"мешітінің жаңадан тағайындалған имамы жамағатқа таныстырылды. Енді аталған мешіттегі жауапкершілік Нұрлан Жұмашбекұлы Қалиевке жүктелді. Ол бұрын "Төле би" мешітінде найб имам ретінде жүйелі жұмыс істеген.

Осы күні аталған мешітке арнайы барған Шу ауданының бас имамы Бахтияр Амантайұлы Әміреев ҚМДБ төрағасы, бас мүфти Наурызбай қажы Тағанұлының бұйрығын оқып, жаңа имамды жамағатқа таныстырды. Сонымен қатар Н.Қалиевке жылы лебізін білдіріп, жауапты жұмысына береке тіледі. Одан бұрын  Бахтияр Амантайұлы зекет жөнінде толығырақ ақпарат беріп, уағыз айтты.

Шу аудандық "Жәми" мешітінің баспасөз қызметі