Таяуда Шу ауданы Белбасар ауылындағы "Хати Сауранбай" мешітінің имамы Бақыт Тілемісовтің ұйытқы болуымен ауылдың бірқатар тұрғындарына "Рамазан қоржыны" үлестірілді. Сыйлық алғандар алғыстарын білдіріп, ақ баталарын берді.

Сонымен қатар Көктөбе ауылындағы "Рақыш ата" мешітінің имамы Ерғазы Ақпанов 9 шаңыраққа ауыз ашар себетін таратып, сауапты амал жасады.

Қайырымдылық шарасы Жиенбет ауылында жалғасын тапты. Ауылдық мешіт имамы Шүкірәлі Бердібеков көп балалы анаға 10 мың теңге табыстап, азын-аулақ азық-түлік себетін берді.

Шу аудандық "Жәми" мешітінің баспасөз қызметі