Меркі ауданына қарасты «Меркі ата» орталық мешіті және «Жүніс молда», «Жақсымбет» т.б. мешіттерде ауызашар тұрақты түрде беріліп келеді.

Ауызашар беру сапты іс. Пайғамбарымыз (с.ғ.с.): «Аузы берік жанды ауызашарға шақырып тамақ берген кісі – ораза ұстаған адамның алатынындай сауап алады. Аузы берік адамның сауабынан да еш нәрсе кемімейді», – деген.

Тағы бір хадисінде Пайғамбарымыз (с.ғ.с.): «Егер кімде-кім Рамазан айында адал табысымен ауызашар берсе, періштелер Рамазан айының соңына дейін оған дұға жасайды», – деген. Сонда риуаят етуші: Уа, Расулалла! Ауызашарға ештеңе таппаса не істейді? – деді. – «Бір тілім нан берсін» – деді. – «Ол да болмаса ше?» – «Онда қара су берсін» – деген екен.

Бүгінде Рамазан айының  алғашқы 10 күнінде 20 ауызашар ұйымдастырылып, оған 2500 мыңға жуық адам қатысты. Сонымен қатар аудан орталықтарында 120 адамға ауызашар себеті таратылды. Рамазан айының қалған күндерінде де бұл игі іс-шаралар өз жалғасын таппақ.

Демеушілік жасап, ауызашар беріп жатқан бауырларымыздың ниеттері қабыл болсын, Алла разы болсын, кәсіптеріне, отбастарына береке берсін.

Меркі аудандық «Меркі ата» мешітінің баспасөз қызметі