Жамбыл ауданына қарасты Қызылдихан ауылы әкімшілігінде ауыл имамы  Ескендір Чалиевтің қатысуымен ораза турасында, мың айдан да қадірлі болған Рамазан айына қатысты отырыс өтті. Аталған шараға ауыл тұрғындары қатысты. Келелі кездесуде ауыл имамы ауыл тұрғындарының сан сауалына жауап беріп, насихат айтты.

Исламның бес парызының бірі – Рамазан айында ораза тұту. Сондықтан да дінімізде оған ерекше мән беріледі. Себебі, ол сенімнің бір бөлігін құрайды. Пайғамбарымыз Мұхаммед (с.ғ.с.): «Ораза – шыдамның жартысы, ал шыдам - сенімнің жартысы»-деген. Оразаны басқа ешқандай құлшылықтармен салыстыруға болмайды. Өйткені, Алла Тағала пайғамбарымыз Мұхаммедке (с.ғ.с.): «Адамның барлық жақсы, хайырлы істерін Алла он есе, тіпті одан да жоғары бағалайды. Бірақ ораза не үшін тұтылған болса, сол үшін сауабын, сыйын молынан беремін»-деп айтқаны белгілі.

Жамбыл аудандық мешітінің баспасөз қызметі