Тараз қаласы «Құлбай баба» мешітінің имамы Амангелді Ембергенов халқымыздың ерлі-зайыпты, қос ақыны Қайырбек Асанов пен Күләш Ахметованы Рамазан айының кіріп келуімен құттықтап қайтты.

   Жұп ақынның шаңырағында болып қайтқан имам дара тұлғаларға өз атынан және дін қызметкерлері атынан «Рамазан қоржыны» атты сыйлығын тарту етті. Қарт ақындар өз кезегінде имамға ақ баталарын беріп, шексіз алғыстарын айтты.

   Кездесу барысында жарасымды әңгіме айтылып, имам Рамазанға, оразаға қатысты қойылған сұрақтарға жауап берді. Айта кетейік, ақын апа бұған дейін де  үнемі діни сұрақтарына имаммен телефон арқылы байланысып, жауап алып тұратын.

Тараз қаласы «Құлбай баба» мешітінің баспасөз қызметі.