Қордай ауылдық мешітінің азаншысы Бекзат Жұмабайұлы Қордай ауылдық заставада әскери қызметкерлермен жүздесті.

Дін маманы ел алдында Отан қорғап жүргендерге "ихсан" ілімі, оның маңызы мен мағынасы туралы насихат жүргізді.

"Расында, ихсан – бақытын иманнан іздеген жұртымыздың жүрегіне жақын ілім. Халық ұғымындағы «Жақсылыққа жақсылық – әр адамның ісі, жамандыққа жақсылық – ер адамның ісі», «Кең болсаң – кем болмайсың», «Кешірім жасау – кеңдік, кешіре алмау – кемдік», «Жақсылық жүрген жерде тапшылық болмайды», «Жақсылық еккен алғыс орады» сынды нақылдар ұрпақтан ұрпаққа тәрбие ретінде айтылып, өмір сүру дағдымыздың біріне айналды" - дейді имам.

Қордай аудандық мешітінің баспасөз қызметі