Жамбыл ауданы Қызылдихан ауылы орталық кітапханасында «Махат ата» мешітінің имамы Ескендір Шаршенұлы кітапхана ұжымымен «Бала тәрбиесі – отбасынан басталады» атты тақырыпта дөңгелек үстелге қатысты. Келелі кездесуде ауыл имамы шараға қатысқан қызметкерлердің пікірін тыңдап, ұрпақ тәрбиесінің қаншалықты маңыздылығын айтты.
Жалпы ұрпақ тәрбиесіне асыл дінімізбен қатар, дана халқымыз да қашанда бей-жай қарамағаны белгілі. Ислам діні бала тәрбиесі туралы маңызы зор толғамдар мен пайдалы насихаттарға толы. Балаға жақсы есім қою, оған тәлімді де парасатты тәрбие беру – ата-ана үшін ең ұлағатты парыз. Бала тәрбиесі ешқашан салғырт қарауды көтермейтін, аса бір күрделі де маңызды іс. Адамды адамдық қалыпқа келтіретін де, аздырып, тоздыратын да тәрбие жұмысы. Балаға жас кезінде әсер ететін құбылыстар әр түрлі болғанмен оларды тәрбиелеуші әрине ата-ана.
Жамбыл аудандық мешітінің баспасөз қызметі