Жамбыл облысы Байзақ ауданы "Байзақ баба" мешітінде Рамиз қажы Азизовтың ұйымдастыруымен ауыл имам молдалардың кезекті жиналысы өтті.

  Жиналыста Жамбыл облыстық "Һибатулла Тарази" мешітінің найб имамы Нұрлан Мұрат: "ҚМДБ 7 бағыт бойынша жұмыстар атқарады. Әрбір бағытқа әріптестер салғырт қарамауы тиіс. Сіздер діни басқармадан келген тапсырмаларды дер кезінде орындай алуларыңыз керек және діни басқарма қызметіне қолдау көрсетулеріңіз керек" -  деді.

Ауданның бас имамы 2021 жылы атқарған жұмыстарға тоқталып слайд күйінде ауыл имамдарына баяндап өтті.

"Биыл 2022 жылы имам-молдалардың білімін жетілдіру үшін семинарлар өткілетін болады және ай сайын дәстүрге сай айлық дастархан болады, сонымен қатар уағыз-насихат, қайырымдылық,  діни оңалтуға басымдылық  беріледі" - деді Азизов Рамиз қажы.

Байзақ аудандық мешітінің баспасөз қызметі