"Һибатулла Тарази" медресе-колледжінде "Араб тілін оқыту әдістемесі" жайлы оқу орнының барлық студенттерге арналған ашық сабақ өткізілді.

Дәрісте видео арқылы яғни онлайн форматта араб тілін қалай жеңіл, әрі терең меңгеру тәсілдері тілге тиек етілді. Ашық сабақты  медресе ұстазы Амангелді Ембергенов жүргізді. Сабаққа медресе директоры Сәкен Сейдикаримов пен Нұрсұлтан Зұлпыкаров қатысып, жиын соңында өз лебіздерін білдіріп, алғысын айтты.

Шәкірттер белсенді түрде сұрақтарға жауап беріп, тәжірибелік жұмыстарға араласты. Сонымен қатар "Бір тіл білсең, біреусің, көп тіл білсең бірнешесің" деген қағиданы ұстана отырып, тіл білудің, оны тез меңгерудің әдістерін үйренді.

"Һибатулла Тарази" мешітінің баспасөз қызметі