Жамбыл ауданы орталық «Бәйдібек» мешітінде ауданның бас имамы Ғайырфулла Қуанышбекұлы бесін намазына келген жамағатқа «Өмірдің құндылығы мен қадір-қасиеті» турасында кеңінен уағыз айтып, жамағат қойған сұрақтарға жауап берді.

 Өмір – адам баласына берілген басты құндылық. Адам баласы Алла Тағаланың сыйлаған ғұмырының әр сәтін бағалап, оны өзіне ізгілік амалдар жасауға берілген мүмкіндік деп түсінуі қажет.

Алла Тағала қасиетті Құранның «Мүлік» сүресі, 2-аятында: «Ол сондай Алла, қайсыларың жақсырақ амал жасайтындарыңды сынау үшін өлім мен өмірді жаратты», - деп айтқан. Адам ғұмыры ізгілікке толы әрі ұзақ болғандығы жақсы. Ардақты Пайғамбарымыз (оған Алланың салауаты мен сәлемі болсын) хадисінде: «Адамдардың жақсысы өмір жасы ұзақ әрі амалдары ізгі болғандары», - деген.

Жамбыл аудандық мешітінің баспасөз қызметі