Жамбыл ауданы Бесағаш ауылы әкімшілігінде «Бесағаш» мешітінің имамы Керимов Айтжан ауыл тұрғындарымен кездесіп, «Ислам – ынтымақ және бірлік діні» деген тақырып аясында дөңгелек үстел өткен болатын.

Кездесуде ауыл имамы тұрғындарға «ислам» сөзінің мағынасын түсіндіріп, асыл дініміздің тек бірлік пен береке, ынтымақ пен татулыққа үндейтінін жеткізді.

Ислам – амандық пен бейбітшілік діні. Әлемді сүйіспеншілікпен жаратқан Ұлы Жаратушының ақырғы пайғамбары жер бетіне бейбітшілік орнату үшін жіберілгенін Құранда: «Біз сені әлемдерге тек рақым етіп қана жібердік» (Әнбия сүресі, 107-аят). Мұсылмандар осы ерекшелікпен өз діндерін мақтан етіп, насихаттап келеді.

Жамбыл аудандық мешітінің баспасөз қызметі