Бетқайнар ауылы Бетқайнар колледжінде ихсан ілімі, ауызбіршілік, ынтымақ турасында студенттермен кездесу өтті.

Шараға арнайы барған "Бетқайнар" мешітінің имамы Нұрлан Жиенбаев "ихсан" дегеніміз не, оның маңызы қайсысы, адамның ішкі рухани хәлі жайлы көркем насихат айтты.

Имам өз сөзінде: "Әрбір адамның ішкі жан-дүниесі, руханияты, иманы ихсан дәрежесінде болса, ол нағыз көркем мінезді мұсылман болады. Адамның айналасындағы, миындағы мәселелер жеңіл шешілер еді" - деп психологиялық тұрғыдан да пайдасын жеткізді. 

"Ихсанды ұстанатын адам ауызбіршілікті, ынтымақты да жан-тәнімен қалайды" - деп қосыты тағы да.

Қордай аудандық мешітінің баспасөз қызметі