Жамбыл ауданы Бесағаш ауылы «Бесағаш» мешітінің имамы Керимов Айтжан мешітке келген жастарға «нәпсі тәрбиесі» турасында кеңінен уағыз-насихат жұмыстарын жүргізді.

Ауыл имамы жастардың қойған сұрақтарына жауап берді. Нәпсімен күресі, оны тәрбиелеу – адам баласының екі дүниеде бақытты не бақытсыз болуын айқындайтын негізгі себептердің бірі. Сондықтан, нәпсімен күресу – үлкен жиһад деп танылады.

Халқымызда «Мықтымын деп мақтанба ақыл білсең, мықты болсаң алдымен нәпсіңді жең», - деп айтылуы тегін емес. Өйткені, нәпсімен күресу үшін адамның бойында үлкен ерік пен жігер керек. Мұсылман адам ішкі қалауы әлдебір ой салғанда, сол істің дұрыс-бұрыстығын саралап барып істеуі керек. Әйтпесе, нәпсісінің қалауын орындай беру адамды орға жығары сөзсіз.

Жамбыл аудандық мешітінің баспасөз қызметі