Жамбыл ауданы Қызылдихан ауылы «Махат ата» мешітінің имамы Чалиев Ескендір бесін намазына келген мешіт жамағатына «салауат айтудың сыры» жайында кеңінен уағыз айтып, жамағаттың сұрақтарына жауап берді.

Салауат жайлы мағлұмат өте көп. Салауатты айту тілге жеңіл. Кімде кім жиі салауат айтса, Алла ол адамның дәрежесін өсіріп, күнәсінің кешіреді.

Қияметте Пайғамбарымызға (оған Алланың салауаты мен сәлемі болсын) ең жақын адам болуға мүмкіндік беретін осы салауат құлшылығына мән бергеніміз абзал. Ендеше, бүкіл әлемді дүрліктірген індет кезінде дініміз көрсеткен жолмен жүріп, барша пайғамбарлардың имамы, адамзаттың асылы, Ардақты Пайғамбарымызға (оған Алланың салауаты мен сәлемі болсын) көбірек салауат айтайық! 

Жамбыл аудандық мешітінің  баспасөз қызметі