Жамбыл ауданы орталық «Бәйдібек» мешітінде ауданның бас имамы Ғайырфулла Қуанышбекұлы бесін намазына келген жамағатқа «Ихсан ілімі – рухани тәрбие» жайында уағыз айтты.
Баршамыз білетіндей, Ихсан ілімі – тақуалыққа һәм мұсылмандықтың шыңына жетелейтін жол іспетті. Ал тақуалық дегенді қалай түсінеміз? Тақуалық сөзі «аз сөйлеу», «сақтау», «қорғау», «әдепсіз әдеттерден, зиянды нәрселерден аулақ болу» деген ұғымға саяды. Шариғи мағынасына келсек, «күнәлі істерден сақтану, ұятты амалдан алыс болу, Алла Тағалаға бойсұнып, өзіне және өзгеге жақсылық жасау» деген мағыналарды білдіреді. Күнә мен қателікке ұрындыратын істерден сақтану – тақуалықтың белгісі.
Аудан имамы уағыз соңында жамағат қойған сұрақтарға жауап берді.
Жамбыл аудандық мешітінің баспасөз қызметі