Жамбыл ауданы Құмтиын ауылы әкімшілігінде «Ботабай» мешітінің имамы Исмаилов Қуаныш ауыл жұртшылығына «Діни алауыздық – қоғамға қауіпті» деген тақырыпта кеңінен уағыз-насихат жүргізді. Дін - бейбітшілікті, адалдықты, әділдікті, жарықты жақтайтын болса, экстремизм - қараңғылықты, қараң қылықты, әділетсіздік, арамдықты, зұлымдықты жақтайды.
"Ислам – терроризмге, зорлық-зомбылыққа, діни экстремизмге қарсы. Бүгінгі таңда әлемнің түпкір-түпкірінде Ислам атымен сандаған жазықсыз адамдардың қаны төгіліп жатқаны өкінішті. «Бір адамға қиянат жасау – күллі адамзатқа бағытталған қиянат». Осы қанатты сөзді ескерсек, ислам діні қашан да қақтығыс, лаңкестік, зорлық-зомбылық, өктемдік секілді мұсылмандыққа жат іс-әрекеттер мен арам пиғылды айыптаған. Біздің асыл дініміз, керісінше, қоғамдық тұрақтылықты, ізгілікті, ұстамдылықты уағыздайды. Ал, лаңкестіктің ұлты да, діні де жоқ. Сол себепті нағыз мұсылманның лаңкес болуы әсте мүмкін емес" - дейді имам сөзінде.
Жамбыл аудандық мешітінің баспасөз қызметі