Жамбыл ауданы орталық «Бәйдібек» мешітінің бас имамы Ғайырфулла Қуанышбекұлы бесін намазына жиылған жамағатқа «Бірлік бар жерде береке бар»  деген тақырыпта насихат жұмыстарын жүргізді.

Қазақ халқының өмірлік тәжірибесінде «бірліктің» маңызы орасан зор екендігін, сонымен қатар, бірлік адамдар арасындағы ынтымақтың, жарасымды татулықтың көрінісі, ел болудың бірден-бір алғышарты екендігін жамағатқа түсіндірді аудан имамы. Сонымен бірге, жамағат тарапынан қойылған сұрақтарда жауапсыз қалған жоқ.

Қазақ халқы бірліктің күнделікті тіршіліктегі орны мен маңызын "бірлік болмай тірлік болмас", "бірлік түбі - береке", "алтау ала болса, ауыздағы кетеді, төртеу түгел болса, төбедегі келеді" деп түйген. Бірлікті ыдыратып, ірітуші күш - күншілдік, іштарлық, араздықтық деп тауып, жұртшылықты мұндай жағымсыз қасиеттерден бойын аулақ салуға шақырған. Бірлік елдіктің, ұлт болып ұйысып отырудың басты кепілі саналған.

Жамбыл аудандық мешітінің баспасөз қызметі