Мешіт-мұсылман үшін қастерлі орын. Оның ішкі-сыртқы шаруасы толықтай имамға жүктелген. Өз кезегінде имам-молдалар да қал қадерінше мешіт ісін жүргізіп, мұнтаздай таза ұстап,шәкірт оқытып өзге де шақыруларға барып жүр.
Осыны көзбен көрмек мақсатта Шу ауданының бас имамы Бахтияр Әміреев жуырда шалғай жатқан Тасөткел ауылына барып, ауылдық мешітің ахуалымен танысты. Ауыл имамы Әбдіқадыр Балықбаев ауданның бас имамына атқарылған жұмыстарды баяндады. Алға қойған жоспарларымен бөлісті.
Өз кезегінде Бахтияр Амантайұлы атқарылатын жұмыстарды бағыттары бойынша барынша жандандыру керектігін айтып, тиісті тапсырмалар жүктеді. Қыс мезгіліне қапысыз дайындық керектігін айтты.
Шу аудандық «Жәми» мешітінің баспасөз қызметі