Христиан жетекшілері Мысырдың Кена провинциясындағы Фаршут қаласындағы мешіттің ашылу салтанатына қатысты. "Ар-Рахман" мешіті қалпына келтіру жұмыстарынан кейін қайта ашылды, деп хабарлайды Akhbar Elyom сайты.

Қалпына келтіру шығындарын қала тұрғындары төледі. Салтанатты шараға Фаршут-Ауқаф бөлімінің басшысы, Әл-Азһар ислам орталығының бірқатар ғалымдары және копт православ шіркеуінің епископтары қатысты. Қала билігі бұл шараға христиандардың қатысуын екі дін өкілдерінің бірлігі мен бауырластығының белгісі деп қабылдады.

Египеттік копттар – араб әлеміндегі ең үлкен христиан қауымы. Олардың санының бағалауы әртүрлі, бірақ әдетте 4,7-ден 7,1 миллионға дейін жетеді.

asyldin.kz