Тұрар Рысқұлов ауданы Өрнек ауылдық орта мектебінде «Дін мен дәстүрдің қоғамдағы орны» атты кездесу өтті. Кездесуге Өрнек ауылдық «Өрнек» мешітінің имамы Төлепберген Бекжан қатысты.

Бекжан имам баяндамасында: Имам Сарахси хазірет: Шариғатқа қарсы келмеген әдет және ғұрыппен бекітілген нәрсе, шариғатпен бекітілгенмен тең болады!» -деген. Егер әдет-ғұрып шариғатқа қайшы келмесе, оған Ислам тыйым салмайды. Халқымызда: «Дәстүрдің озығы бар, тозығы бар» деген керемет нақыл бар. Осыған орай: ғұрыптардың барлығы дерлік әлбетте бірдей емес. Сол үшін де, оларға бір жақты қарауға әсте болмайды. Қай халықтың болмасын салт - дәстүрлері сол халықтың мінез - құлқын, қасиеттерін таныта алады. Қазақ халқының салт - дәстүрлері мен әдеп -ғұрыптары халықтың тұрмысына, тәрбиесі мен мінезіне, сеніміне, ырымына қарай қалыптасып келеді. Бүгінгі таңдағы басты мәселе – халықтың асыл қазынасын қабылдау, рухани байлығынан сусындау – салт -дәстүрін, тілін, діні мен ділін жетік меңгеру,- деп айтты. Сонымен қатар, оқушылардың сұрақтарына жауап берілді.

Қуаныш Түзелбеков 

Рысқұлов аудандық мешіттің баспасөз қызметі